Krippenlieder

Chrippe-Garte-Blues

Lied Download-Link

Rasisch gschwind rund ums Huus
Mami und Papi chömid nömme drus

Wenn mir i d Chrippe gönd – wenn mir i d Chrippe gönd
Wenn mir i d Chrippe gönd – wenn mir i d Chrippe gönd
Denn findid mir s mega cool
Dass mir i Garte chönd

En grosse Huufe mit finem Sand
Chasch schöni Burge baue alls vo Hand

Wenn mir i d Chrippe gönd – wenn mir i d Chrippe gönd ...

Vo Pfahl zu Pfahl sind Seil gschpannt
Do drüber hanglisch du di elegant

Wenn mir i d Chrippe gönd – wenn mir i d Chrippe gönd ...

Ond für de Fall dass ächli müed bisch
Hed s no es Hüüsli mit eme Tisch

Wenn mir i d Chrippe gönd – wenn mir i d Chrippe gönd ...

Chrippe-Geburtstag

Lied Download-Link

Wa meinsch wie vell Hoibörzel hämmer gmacht?
Wa meinsch wie mängs Chartehuus isch zämekracht?
Wa meinsch wie vell Sandchörner hämmer gschlockt?
Wa meinsch wie vell Wörschtli im Teig vertrockt?

I dene 60 Johr, wo d Chrippe exischtiert
Isch allerhand scho passiert

Chumm mer singed, goissed ond mached en Riese-Meis
Well d Chinderchrippe Geburtstag hed
Chumm mer tanzed, schtampfed ond dreied ois im Chreis
Well d Chrippe Geburtstag hed

Wa meinsch wie vell Chindergschichtli hämmer ghört?
Wa meinsch wie mängs Ränne gmacht oms Huus wie gschtört?
Wa meinsch wie vell Lego hämmer zämegschteckt?
Wa meinsch wie vell Löli-Züüg ond so entdeckt?

I dene 60 Johr, wo d Chrippe exischtiert
Isch allerhand scho passiert

Chumm mer singed, goissed ond mached en Riese-Meis
Well d Chinderchrippe Geburtstag hed
Chumm mer tanzed, schtampfed ond dreied ois im Chreis
Well d Chrippe Geburtstag hed

Chumm mer singed – singed! –, goissed – goissed!
Ond mached en Riese-Meis
Well d Chinderchrippe – d Chinderchrippe!
Geburtstag hed


Chumm mer tanzed – tanzed! –, schtampfed – schtampfed!
Ond dreied ois im Chreis
Well d Chrippe – d Chrippe!
Geburtstag hed – Geburtstag hed!